هنزل استراتجية مشروع للرجالة الي شغاله افليت ومعاها راس مال عاوزه تشغله دراسة جدوي كامله معدل راس المال ١٠٠٠٠جنيه صافي أرباح شهري ٢٠٠٠٠جنيه دورة راس المال بتدور ٤ مرات في الشهر معدل الارباح ٥٠٪ من رأس المال لو لقيت ناس مهتمه هنزل تفاصيل التفاصيل معدل الريسك لا يتعدي ٤٪ لو لقيت حد مهتم هعدل علي البوست الساعه ٨ مساء
تم التعديل
انهردا حابب اتكلم عن المشروع الي قلت عليه اولا المشروع انا ذكرت انه يخص الناس الي اشتغلت افليت قبل كدا لان لازم تحقق ٢٥مبيعه يومي علشان تقدر تنفذ المشروع وتكسب منه زي ماقلت اول حاجه المشروع عبارة عن استور احذية اونلاين راس المال الي هنحتاجه ١٠٠٠٠جنيه الارباح المتوقعه خلال الشهر الواحد ٢٠٠٠٠ جنيه يعني ضعف المبلغ ودا الي هشرحه هيتم ازاي في الاستراتجية دي !!
اول حاجه هنعمل صفحة فيس بوك الي هيا بيدچ باي اسم يخص الاحذية وهنبدء نهيئ الصفحه للشغل يعني بالنسبة للدايزين والصور وبعدين هننزل اي مصنع احذية هندور علي احذية جودة وخامه كويسه ومتوسط الاسعار يناسب اكبر فئه من الناس نفترض ان الكوتش الواحد جملته ١٠٠جنيه يبقي انتا كدا راس مالك يقدر يشتري ١٠٠كوتش هتبدء تشوف مجموعه من الاحذية الي موجوده داخل المصنع وتاخد كام نوع كويسين تصورهم وتحطهم علي البيدج بتعتك وتبدء تسوق الاحذية الي صورتها هيكلمك الزبون يطلب المنتج هتاخد بيناته الاسم ثلاثي والعنوان بالكامل ورقم الموبايل والمقاس المناسب واللون والماركه وهتسجلهم في الاكسل كل عميل هتعمل معاه نفس الموضوع هنفترض ان انتا متوسط يومي مبيعات ٢٥ كوتش يبقي ال١٠٠ يحتاجو منك ٤ ايام فقط بعد ماتجمع ال ١٠٠ اوردر هتروح المصنع تجيب الطلبيه علي حسب الاوردرات الي معاك وهتوديهم شركة الشحن تشحنهم وهتحصلك الفلوس هنفترض ان عملية الشحن هتستغرق ٣ ايام فقط يبقي انتا كدا بيعت منتجاتك واستلمت ارباحك في خلال اسبوع فقط هنا الناس هتقولي طيب المكسب فين بقي ودراسة الجدوى هقولك ياسيدي دلوقتي احنا معانا راس مال ١٠٠٠٠جنيه تكلفة ١٠٠كوتش هنضيف علي كل كوتش ٣٠ جنيه صافي ارباح ليك وي كمان ٢٥ جنيه تكلفت التسويق وي ١٥ جنيه علشان المرتجعات الي هترجع من العملاء او العميل مستلمهاش اساسا يبقي كدا تكلفة الكوتش الواحد علي العميل ١٠٠+٣٠+٢٥+١٥= ١٧٠جنيه يبقي مكسبي الواحد في الكوتش ٧٠ جنيه طيب كدا فاضل نقطه وحده وهيا شركات الشحن اولا في شركات شحن كتير ومتوسط الأسعار وجه بحري ٣٠ جنيه ووجه قبلي والاماكن البعيده ٥٠ جنيه انا كدا شرحت كل حاجه بالتفصيل وكدا معدل الخسارة لا يتعدي ٥٪ ودا هيبقي فقط في المرتجعات لحد هنا برضو معملناش دراسة الجدوي الكليه قلنا معانا ١٠٠٠٠ جنيه اشترينا ١٠٠كوتش بيهم عائد الربح ٧٠٠٠جنيه هنخصم منهم ١٠٠٠جنيه تسويق وي الالف التاني هنعتبرهم مرتجعات ومعدل خسارة يبقي مكسبي النهائي ٥٠٠٠جنيه في الدورة الي هيا اسبوع فقط لو كررت الدورة كل اسبوع يبقي كدا معدل الارباح شهري ٢٠٠٠٠جنيه دورة راس المال لفة ٤ مرات في الشهر انا عن نفسي ممكن دورة راس المال تدور معايا ٥ مرات او ٦ شهريا لاني بقدر اجيب حجم مبيعات كبيرة لو في اي استفسارات او نقطه مش واضحه انا تحت امركو اكتبوها في كومنت علشان الكل يستفاد من الاستفسار ياريت اكون قدمت افاده حقيقية ليكو واعذروني لو في اخطاء لغوية لاني اول مره اقدم شرح
