بسم الله الرحمن الرحيم
اللهم صل وسلم على نبينا محمد..
أحد أعضائنا الكرام سئل هذا السؤال؟
Bogy Tumtum
اقتباس للبوست :
"انا معايه راس مال 1500 جنيه
هل لو عملت موقع و عملت حملات ممول هيجيب تمنو ولا اصل انا بشوف ناس بتقول ادسنس بتخرف و النقرة بي 4 سنت وانا خايف الصراحة علشان ديه فلوس ناس معايه الي يعرف يفهمني يبقي كتر الف خيرو" .
-----------------------------
بص يا سيدي أنا بدئت زمان بلا شىء تقريبًا ..يعني تقريبا أنت أحسن مني كبداية بمراحل، لعدة أسباب أهمها مكنش معايا حد يعلمنى أو يعرفنى أية الصح ..فكان حقل التجارب معايا مُدمر..وكل تجربة ليها تمن غالي عشان أتعلمه ..حتى التعامل مع الناس ع النت كان أول تجربة ليا خسرتنى 275 جنية حولتهم بريد لواحد فى صفحة اسمها أساحبتى كانت 73 الف لايك ..الله يسهله بقى وانا مسامحه فيهم.لان الدرس الى علمهولى أغلي بكتير من تمن الى خده.
المهم ندخل فى المفيد .. بص يا بوجي أنت دلوقتى معاك مبلغ كويس جدًا تبدأ بيه .. هيكلفك دومين تمن 30 : 50 جنية .. وهتشتغل محتوي وشروحات وتقدم معلومات محترمة ومفيدة ويفضل فى مجال التقنية زى كيفية عمل حساب ياهو كيفية عمل حساب جيميل كيفية فتح حساب فى اب استور .. عمل ايميل جيميل بدون هاتف وحاجات من هذا القبيل. وبعد شهر واحد هتفتح 10 حسابات جيميل.
وهتقدم ع الـ10 حسابات جيميل فى نفس الوقت ع نفس الموقع باسم مختلف اكتب اى اسم من اى مكان ولازم رقم موبايل مختلف ..وهيتم تعليق كل حساب منهم ع تركيب شفرة الاعلان فى الهيدار الخاص بالموقع.
الحساب الى هيتقبل.. هتشيل شفرته وتركب شفرة تانية وتبيعه.. لو نجحت فى قبول متوسط 5 حسابات × 200 جنية متوسط سعر الحساب = أنت كدة جبت 1000 جنية من 30 مقال ودومين واستضافة مكلفوش معاك 100 جنية.
وبعد كدة هتكمل فى الموقع بتاعك بحساب ادسنس تخليه لموقعك وتشتغل عليه وتكتب بجودة محترمة وتخلى باقى المبلغ بتاعك مؤقتا .. لحد بعد 4 شهور هتبدء تلاقى نفسك جاى فى كلمات تقيلة لكن مكانك بعيد ممكن وقتها تشتري خدمات جيست بوست وباك لينك من خمسات تساعدك تصعد ..لو نفذت خطتك صح اضمن 150 دولار مبلغ كمتوسط ربح بعد 4 شهور إن شاء الله ..واى حاجة مش فاهمها أو محتاج تتعلمها نزل بوست وان شاء الله نقدر نخدمك ونفيدك.
#سيو_بس أتعلم ببلاش
